امارات میں یکم محرم کو تعطیل کا اعلان، پھر لگاتارتین چھٹیاں

متحدہ عرب امارات نے 21 جولائی کو وزارتوں اور وفاقی ملازمین کے لیے اسلامی نئے سال کے لیے قومی تعطیل کا اعلان کیا ہے۔میڈیارپورٹس کے مطابق فیڈرل اتھارٹی فار گورنمنٹ ہیومن ریسورسزنے اعلان کیا کہ 21 جولائی کو متحدہ عرب امارات میں وزارتوں اور وفاقی اداروں کے لیے بامعاوضہ تعطیل ہوگی۔21 جولائی کو جمعہ ہے اور جمعہ کے بعد ہفتہ 22 جولائی اور اتوار 23 جولائی کو معمول کے مطابق چھٹی ہے۔ اس طرح وفاقی ملازمین ایک مرتبہ پھر طویل ویک اینڈ سے لطف اندوز ہوں گے۔فیڈرل اتھارٹی فار گورنمنٹ ہیومن ریسورسز نے واضح نہیں کیا کہ آیا نجی شعبے کی فرموں کو بھی اس دن کی چھٹی ملے گی یا نہیں۔ اسلامی کیلنڈر کے مطابق اس روز یکم محرم کو رسول اللہ صلی اللہ علیہ وسلم نے مکہ مکرمہ سے مدینہ منورہ کی جانب ہجرت کی تھی۔ ہر سال اسی دن سے نیا اسلامی سال شروع کیا جاتا ہے۔