بھارت دو ستمبر کو سورج کی جانب ادیتیہ مشن روانہ کرے گا

ادیتیہ ایل ون خلائی جہاز 15 لاکھ کلومیٹر کے فاصلے سے سورج کا مطالعہ کرے گا جسے ملک میں تیارکردہ پی ایس ایل وی ایکس ایل راکٹ سے زمین کے نچلے مدار میں داخل کیا جائے گا۔ اس کے بعد خلائی جہاز اپنے راکٹ پروپلشن سسٹم جلا کر ایل ون مدار تک پہنچے گا۔ اس پورے سفر میں چار ماہ لگیں گے۔

مشن کا اہم مقصد، سورج کے کرونا کی تپش، اس کی طبعیات اور آئنوائزڈ پلازمہ پر تحقیق کرنا ہے۔ یہ مشن بتائے گا کہ سورج سے آگ کے ہولناک شعلے کیونکہ بلند ہوتے ہوکر لاکھوں کلومیٹر دوری تک جاتے ہیں۔ انہیں شمسی فلیئرز بھی کہا جاتا ہے۔

دیگرتحقیقات میں وہ سورج کی ذراتی سرگرمی اور ان کے درجہ حرارت وغیرہ پربھی غور کرے گا جن میں شمسی مقناطیسی میدان بھی شامل ہے۔